自認八妹既細佩出題真係幾八, 連人家十至八十歲既野都想一次過八晒, 好, 就試下八下先

十歲時, 我諗既係拖手仔
廿歲時, 我依然停留o係諗緊拖手仔既階段
宜家, 我都唔知點開始, 面對心儀女仔時都係唔識講野既, 最近睇一本關於幽默的書就話好多時人同人傾偈都係講埋一d 無實際意義既野, 即係廢話啦, 偏偏我又唔識講, 但係偏偏咁樣更易令大家更親近, 可惜我個腦太過於筆直地thinking, 好似今日食飯咁, 同d 一齊上堂既同學仔食飯我就幾乎粒聲唔出, 佢地都講楊千嬅, eason 既演唱會, 我呢? 諗工作, 思前途, 太多『正經』既野, 演唱會啊? 我最近一次都係睇溫拿咋, 聽歌? 我只係update 到葡萄成熟時, 唉...... 所以我自己都總覺得唔識吹水, 令到我同朋友仔都有好大段距離
廿八歲前我希望可以完成宜家個course, 卅歲前我希望可以開始學吹色士風
我唔希望卅歲時仲係停留o係諗既階段, 不過, 點開始啊??? 或者, 可以由學講廢話開始~~~
學下咩叫玩玩下, 學下唔好咁認真, 或者可以令大家感覺更親近
如果說我現在的人際溝通能力只有四十分的話, 我希望可以先把它提升到五十分, 經過某個時間後, 再升到有八十分, 那就很功德無量囉, 畢竟無可能有滿分的啊
六十分是我對現狀的滿意度, 綜合了我的工作, 生活, 學習, 是偏低了的, 最少也該有七十分才好一點吧? 努力, 加油

(有人話愛使人成長, 使人成熟, 如果有愛情滋潤, 或者我會減肥, 或者我會更努力改變自己, 分數或許會大幅提升呢, 我期待著, 不過呢, 那也是有些trade off 的, 我最近才發覺我有很多時間也浪費掉了, 時間不怎麼管理得好, 令我更難有時間去為愛情付出, 那樣的我會有成功的機會嗎, 恐怕也難有了...... 如果我還不肯改變現狀的話)

所以呢...... 人太正常就變得唔正常, 唔正常反而比較正常, 現在最先都係都係由學講廢話開始先啦!!~~~

各位將員將士用命, 傾盡全力, 屢屢從落後逆境之中站起來追上, 精神可嘉到無以復加, 簡直係超強, 勁啊!!! 亦證明要發洩其實好簡單, 因為只要能夠大嗌『有鬼啊』『好波』『啊』, 就夠嗌起震到個頭都痛埋, 雖然宜家寫既呢一刻好睏, 不過唔寫又唔舒服, 當係發洩又好, 當係咩都好, 只要能找到一個適合既場所, o係唔會影响其他人既情況之下大嗌咁發洩, 感覺豈止良好咁簡單~~

點樣可以提醒自己做野小心d, 做好d, 少d 唔記得野呢??? 唉...... 要唔留心始終都係唔留心, 有個心, 提少d 都唔會錯...... 失敗, 好失敗, 好鬼失敗, 好鬼死失敗!!!

尋日係一個無論如何心情都比較舒暢既一個日子, 真係人開心d 好事都會遇多d, 夜晚收工返屋企時居然看到我夢寐以求既服飾, 雖然唔係我著緊, 不過呢, 真係幾型下架~~~ 平時o係街度真係好少見, 咁都被我遇到, 咁係提醒緊我要去實現我既夢想, 將來都會穿得起嗎? 哈哈哈哈~~~

今晚好興緻去睇戲, 怎知居然看不到, 原因是機器壞掉, 負責人員說是『甩晒啞』, 不知道是機件哪個部份出事呢? 居然會不能看戲, 最後全數退回, 但氣不能下, 最後在家樓下的士多買了個雪糕吃, 消消氣.....

p.s. 我想睇既係resident evil 3, 因為玩過呢隻game 既系列, 所以對呢套改編戲特別有期待, 點不知睇唔到, 真係谷鬼氣!!!

今日踢國慶杯, 小勝對方一比Ｏ, 熱烈慶賀~~~

完場在場外休息時, 剛好看到對面籃球場有女子跟男子"鬥波", 老實說, 我並不覺得男子隊差, 只是跟女子玩鬥時都比較遷就, 不過呢, 女子組也有一條支柱的, 那個女子個子比較高, 標準身材, 穿著比較"型"的波衫, 其餘兩位比較伴, 依據流行的目光來看, 她們都穿得比較沒自信, 很八十年代feel 的運動服

那個看上去的比較有自信的A 女子好像很享受team spirit, 不太獨食, 而另外兩位BC, 不能說獨食, 可是一拿到傳來的球, 一般都走不夠兩步就起手投射, 而且看上去是怕被對手偷波而起手的, 傳波也較少

回想起來, 我都覺得自己挺像BC 的, 沒有好一點的身材真的是挺難把衣服穿好的

唉, 雖然說我攔截對方傳球也挺有信心, 可是一看到其他人可以自信的逐波, 我又有點兒嫉妒了, 忽然想到 - 如果我也能有一個這個身高應有的標準體重, 那對於踢足球會是件多麼好的事兒啊!! 到時我或許會有機會可以多試打其他的位置, 那會是件多麼美妙的事兒啊!!??