所謂既improvisation, 就係即興啦, 一首歌, 能用自己的感覺吹出來, 再加上其他朋友的合作, 就成了這麼一次表演 (Kaori Kobayashi - Nothings Gonna Change My Love For You) , 呢個亦係我最喜歡既版本

即使只得伴奏, 依然能夠有自己的演譯方法 (Marcos Mello - Nothings Gonna Change My Love For You)

YouTube 上搵到有位韓國色士風手Danny Yung, 佢有兩個版本, 第一個係比較好一點, 可能是2008 年某次演奏會中演出的

另一個係玩classical 既, 配以大量小提琴大提琴, 成個Orchestra 咁既size, 但係吹得極差

第時到我真係吹既話, 我會想點樣去演譯呢?

最近o係一個blog 入面見到有人練習吹兩首經典歌, 一首係小林香織版既Nothings Gonna Change My Love For You, 另一首係日劇『101次求婚』主題曲, Chage and Aska 既SAY YES, 呢兩首歌, 前者音符太多, 對於剛學色士風不久既我黎講, 最多只有音階, 連拍子都吹唔準, 後者好D, 都吹得完架, 等我又跟佢POST 兩段YOUTUBE 上黎先, 終有一日我都會吹得出, 唔只音階, 唔只拍子, 仲要有FEEL 既, 有台型既, 娃哈哈哈哈哈哈哈哈哈哈~~~~~~~

小林香織, Kaori Kobayashi - Nothings Gonna Change My Love For You

101 次求婚主題曲 - Say Yes

同事甲見我成日聽輕音樂, 知我學色士風之後, 就問我: 『你係咪學陳豪咁呀, 想搵個常在心吹俾佢聽哩?』唔, 鍾嘉欣真係好鄰家feel, 好若人喜愛既, 亦惹人一種保護欲
同事乙問了一個好問題:『你去邊度搵? 學識左唔吹出黎冇用架喎, 好似你宜家咁, 除非去街度學人賣藝, 如果唔係, 邊個知你識吹?』哈! Good Question!!!!!
同事丙:『聽講學三個月就可以吹到一首歌啦喎, 我親戚偷偷地學三個月o係婚禮上吹出黎, 成場都係眼淚呀』同事丁:『哎喲, 浪漫死我啦!!』得, 如果只練一首歌, 譬如for 結婚purpose, 日日都係按那幾個鍵, 有心練, 一個月應該都可以了, 只不過好多其他技術都學唔到, 所以我宜家都冇話識吹邊首歌, 因為我覺得吹得唔夠自己滿意, 唔算識吹一首歌

唉... 平時放工翻屋企都會o係巴士上訓, 今晚... 訓唔到, 我坐巴士上層最後排中間個位, 左邊有pair 情侶在抱抱錫錫, 正前方直望見到一對年輕夫婦, 情侶手錶, 因為遲上車關係兩人分坐通道兩旁, 開車後見佢地手拖手, 差不多腳纏腳了, 我唔使斜望, 直望條通道就見到了, 看著看著, 佢地愛得旁若無人, 我卻看得出了神

呢五個月黎老師一直俾鼓勵我, 認為我有機會一年內可以去考五級試呢, 而且老師覺得我進度不錯, 可以升一級學中級Saxophone 技巧了, 同時亦開始教我Jazz 入門, 代價係學費加$200......

Fine!! 平日返工食少d, 食平d, 一定可以慳回來的, 娃哈哈哈哈~~~

最近o係屋企除左老師俾既練習歌之外, 自己都o係網上搵d 譜黎玩, 有張國榮既為你鍾情, 貪佢夠慢, d 音一定吹得準, 『101次求婚』主題曲Say Yes, 『獅子王』主題曲Can You Feel The Love Tonight...... 仲有好多好多, 真係好鬼死好玩, 可惜有d 譜, 好似張學友夕陽醉了, Nothings Gonna Change My Love For You 等等, 部份位實在太快, 跟唔上都唔知自己吹d 乜, 又或者覺得個版本根本就譯錯, 最後最後, 選定左一隻歌, 想借佢黎練, 練到吹得出感覺既, 係Bee Gees 既How Deep Is Your Love (不過香港土產歌手, 有Hi-Fi 天后之稱既Susan Wong 比Bee Gees 更輕快更好, 我鐘意佢多過Bee Gees呢)

每每看著妳, 總有一種很強烈的保護欲, 莫名的就產生了, 但是想深一層, 究竟妳有些甚麼要我保護的? 我想保護些什麼? 所有? 那我又有什麼能力去保護呢? 我有足夠能力去保護嗎? 我不知道

老闆：「今日Cherry唔舒服冇返工，你捱一捱義氣幫佢finish埋佢手上d文件得唔得？一個鐘到應該搞得掂架啦。」
同事A：「唔得喎，今晚我有節目喎。」
老闆：「一粒鐘咋喎，幫幫手啦，得你有份跟佢果堆file，第二個做冇你咁快手搞掂喎。」
同事A(黑晒面):「咁即係一定要做啦！」
老闆：「一次遮，一年都冇一次要你OT！仲要一粒鐘就搞掂，咁都咋我型？」
同事A(塊面更黑)：「做咪做囉，不過你要補返水俾我。」
老闆(塊面立即變黑)：「咁唔駛啦，你講得出呢句，你今晚早d出去玩得開心d。我自己諗辦法解決佢。」
同事A(塊面忽然白番)：「唔係唔係，我講下笑遮，一粒鐘好快過遮。」
老闆(塊面繼續黑)：「唔駛，我會有辦法，你今晚準時放工，記住一分鐘都唔好遲。仲有，我唔係好識分你幾時講真幾時講笑，你個樣咁認真，我就當你講真架啦喎。」
同事A：「errr…」
老闆：「我冇其他野搵你啦。麻煩出去時幫我關埋房門。」
同事A：「咁Cherry果堆file…」
老闆（dup低頭做自己野）：「你唔肯跟，自然會有其他同事幫手做。你今晚玩得開心d，麻煩你衣家離開我間房，我有d私人野想做。記住幫我關門，唔該。」
祝大家有個愉快既週末。

人在中環 (am730 某專欄作者 CK)

做老闆與員工觀點與角度有時真係幾對立既, 老闆冇呢個權指令員工OT, 但有呢個勢去做, 員工有呢個權去對抗老闆無理要求(即合約聲明工時幾多就返足幾多, 一分不多一分不少), 老闆巳知這個不能以下令形式去指令A 去完成, 所以打人情牌, 『唔得喎, 令晚我有節目喎』之後老闆兩次既回應巳幾近求人了...

呢個時候, 真係幾睇員工心目中有幾緊呢份工, 我唔認為咁樣會令員工會被炒友, 但係如果堅持選擇唔OT, o係老闆心目中呢個員工一定係不足以交付重任既, 即係唔肯同你一齊捱, 咁以後個員工o係呢間公司既前途應該都唔會好得去邊, 如果重視呢份工, 想老闆信任你, 就會自動自覺答應去做

睇網友對這篇文的回應才發現, 原來老闆以黑臉回應, 係洩露了自己EQ 低的一面, 這個觀點我實在沒有想過呢, 其實員工黑臉都係一樣, 彼此都蝕章了, 只不過員工如果能嘗試用跟老闆傾多D, 睇下有冇其他辦法能兩全其美那會更好, 而唔係一開始就黑臉