ALAN's profile色士威PhotosBlogListsMore  |  Tools Help |
|
July 29 常識常識實在太廣泛了, 而且一般都被認定為是每個人都應該知道的, 不用別人教的, 偏偏常識不是專門學問, 沒有人會開班教你, 有很多都是要你跌跌碰碰才學會的
你學懂常識了嗎? 不, 常識是可以被學的, 但永遠學不完, 因為社會進步, 大家生活接觸層面廣了, 於是乎每個不同的範籌都會被某程度上接觸到, 常識包含很多方面, 生活的, 工作的, 衣食的, 譬如說用完一樣東西就該放回原位, 好讓下一次可以好找一點; 做事應該分輕重緩急優先次序, 好讓最重要的事能最快地被做得最好, 遠行要帶輕便點的, 把行李放進行李箱也大有學問
出來謀生, 對人情世故更要拿揑得準, 否則不要說能否如魚得水, 就連保命也不行, 所以為了活命, 人情世故的常識也要學, 唉, 偏偏我就是超弱的, 相比起工作的內容, 有時人際關係更複習, 人家是為甚麼跟你熱情友好, 人家是為甚麼會冷漠對待你, 往往都好像有很多背後不同的原因, 誇張一點, 就拿『笑傲江湖』來說吧, 我確信有『岳不群』這類人的, 只有在小說的鋪排之下, 故事完整才看得到岳不群奸險的一面, 但是在現實生活之中如果我是令孤沖, 如果我是林平之, 我會能與岳不群這類人偽善嗎? 左冷憚又如何? 東方不敗, 楊蓮亭呢? 我會是寧中則嗎? 好亂, 越寫越不知自己在寫什麼......
如果說學常識都要分先後次序, 我希望可以最優先學好如何處理人際關係, 你呢? 哪種所謂常識你最先想學好的呢? 或者說你最想學哪種常識呢?
******************
同文其他網友的文章如下：
July 22 車上車下的一幕印象中暗戀過既女仔真係十隻手指都數唔晒, 中學時期最有印象既應該都係最快樂既打羽毛球年代
都記唔起係點解了, 或者係朋友邀請, 佢借左支羽毛球拍俾我, 咁就開始左鐘意打羽毛球, 忽然而黎既強烈興趣令我同班同學仔好多時都小息食晏放學時間都攞晒去打羽毛球, 直至宜家我都仲記得果d 情境, 偶爾過偶爾再拿起羽毛球柏都會打得出當年水準, 每下人地"bad"波, 每下我既反手或鬥bad 都係一種當年練返黎既自然反應 果年我係暗戀過班中既一個女仔, 佢成績好好, 人又純品好人, 班房內我坐佢斜後面既位置, 於是乎上課時成日都望住佢背影, 那條馬尾, 那個身軀都深深印入我腦海之中, 當然那還不至於我食飯都會跟住佢啦... 剛剛學打羽毛球果陣時真係乜都唔理, 食晏時間唔會買飯盒, 而係去小食部買個熱狗加支水就夠, 有一日, 忽然有女仔話想加入,『"侵"埋丫』就係最興既三個字, 嚇然發覺居然有我暗戀既果個女仔在內, 電一電咁款真係唔知俾咩反應好, 跟住就借左枝球拍俾佢玩 都幾開心架, 由單人賽變雙人對打, 佢做我對手果陣我真係明顯有意讓佢, 如果係雙人打我一定攻個男既對手, 打俾佢就故意出d 好易回既波; 同一陣線果時, 試過對方打既毛球波打中佢, 應該係睇中佢反應唔夠快, 比較弱了, 之後既球我都會跑到佢前面幫佢打... 就咁樣, 小息食晏我地班男仔都會繼續打羽毛波, 而d 女仔間唔中都會放學後黎玩下咁既, 毫無疑問, 女仔打波真係柔好多, 冇左力道既比較(女同男邊有得比丫), 望住佢就好似望住一個好優美既曲線既有動作既藝術品咁, 睇女仔打羽毛球我真係睇曲線多過睇技術, 無論係女仔既曲線或者係打出去既波, 都係畫出一道道既曲線 終於某一日放學打完羽毛球之後我地一齊走, 係只有我地兩個咋~ 大家一齊行到巴士站, 我等呢條巴士線, 佢等果條巴士線, 佢架車先到, 上車了, 我依依不捨不咁望住佢上車, 然後望住佢上樓上, 我就望住其中一格窗位, 呆望良久, 居然... 佢o係車上申個頭望翻落黎啊!!! 果一刻心中真係好甜, 但係真係唔識俾反應, 我只係記得禮貌式咁揮揮手同佢say goodbye, 佢又揮揮手咁 多年後大家再聚, 佢巳經有男朋友了, 但係佢忽然問我打羽毛球果陣係咪鐘意過佢, 哈! 原來呢個暗戀既事實佢早就知道, 原來feeling 呢樣野真係可以傳遞得到, 佢仲要記咁鬼耐, 事隔咁耐我都唔介意坦白承認, 不過就認得有d 尷尷尬尬咁囉, 唔知宜家佢拍拖拍成點呢? July 15 放長線釣大魚上個星期講到我去左"挫"墨魚而想起這個題目, 係因為係自己釣果陣只係有樣學樣, 放左條魚絲落海就猛"挫"亂"挫", 後尾船家講左d 技巧, 同埋點點點, 如何如何, 咁至開始有翻d 收獲, 最本意係想講下做人要有耐性, 後來想呀想的, 好像又不怎麼好寫, 最後到落筆的時候才發覺我應該設題為『及時行樂』, 哈哈哈
其實做事跟釣魚都差不多, 一定要有耐性, 等待最美好的結果出現, 有些時候努力未必一定可以即時見效, 而且只靠一鼓作氣做事, 很容易就會因為遇到種種的意料之外的事而感到沮喪, 就拿釣魚來說, 在岸上釣的需要魚餌, 在海上釣就不一定要用餌, 我們一行十幾人, 包括我在內都試過釣了雞泡魚了, 不過因為目標不是牠而且怕有毒, 所以都直接把牠放走算了, 釣的方法, 時間明顯跟在岸上釣有分別, 在"挫"的時候你不一定知道有否收成, 只有在一定時間之後試一試把魚線收回才知道是否真的有收穫, 一次不成就再試, 再試不成就三試, 而且在釣的時候不可不停地"挫", 要讓魚標沉下把魚線扯直才"挫", 那樣做才有效, 否則魚線本來就是彎的, 釣子根本不上力, 那是"挫"不了的, 墨魚就不會被釣中, 那真的是在考驗你的耐性
做事都是一樣, 做不同的事, 面對不同的問題, 事先要磡察一下事件的本質, 再想想不同的解決方法, 一般都不是可以一蹴即就的, 而且解決之後還得練習, 練習再練習直至精通, 當中又不知用了多少時間了, 所以說要把一個東西做好, 所需要的正正就是耐性, 把一件又一件的小事編織出來就是大事了, 基本功穩定下來了就可以再碰碰更深奧的事, 這樣一直做下去一定可以在某個領域大有所成的
說回『及時行樂』, 老實說去"挫"墨魚當天我真的有想過不去的, 總覺得那很浪費時間, 但其實只不過是有點累又懶, 連娛樂都不想去, 結果還是去了, 去到了才發覺原來是那麼好玩的, 你知道嗎? 那天天氣很好, 傍晚駛向海中心, 遠離了西頁, 遠離了一般市區的街燈樓燈, 剛好又看不到月亮, 星星都變得很大佷美, 晚上的海風是涼爽的, 雖然很重鹽份, 弄得黏黏的感覺, 但整體上感覺良好, 初出海時我站著承受著海風, 之後偶爾走到船板上躺著看星更是一大樂事, 那令我份外感到何謂『及時行樂』, 管他的累不累, 管他的需不需要錢, 負擔得起就應該去, 就是這樣了吧? 說真的, 我很久也沒有試過這麼爽了, 哈, 說時遲那時快, 剛剛買了部心頭好『冇得撈啊』A1200, 今個月又冇錢剩了~~~~~ July 08 行街shopping? 唉, 我沒什麼shopping 經驗, 買東西一般都是有了目標才會去逛的, 而且很少會有東西在兩個小時內找不到
偶爾都會有一些不如意的時間, 那時就會漫不經心, 漫無目的地行街, 購物? 雖然會遇到喜歡的, 但一般都不會買
最多時候會停下的地方是同一間商務印書館, 因為總覺得心中很多疑團很多問題都可以在書中找到指路明燈, 於是乎就老是在那裏打書釘, 吸收吸收前輩精華, 一待就兩個小時, 然後就會去starbucks 來一杯, 在哪? 新城市廣場是也
以這個題目做寫作真是有點難度, 因為我真是不怎麼行街的, 或許... 或許因為......
不過話說回來, 欣賞徒人的衣著服飾, 他們的目光停留在甚麼地方, 情人們的相依相偎, 老死們在餐廳裏聊的興起, 在專注看他們的動靜的同時, 有時也能把自己從思考的漩渦之中抽出來, 然後又可以心情得以有一刻放鬆, 有時感覺就像是重生了似的, 步履不知不覺間就輕盈起來了, 所以這也是我行街時的一個嗜好了
***************************
今晚同人出海"挫"墨魚, 忽然靈機一觸, 下期題目『放長線釣大魚』
同題其他網友的文章：
July 01 絕症昨天上班時在車內看到一則報紙寫Fortune 雜誌曾經在95 年預測香港巳死, 今時今日要認錯, 看到那本雜誌曾經作過的預測, 我覺得那人很大膽, 也覺得很不是味兒, 可現在都要認錯, 可見一本頗具影響力, 權威性的雜誌都不一定能預測準確, 沙士的蕭條我們撐過了, 禽流感的衝擊我們都熬過了
不過現時的經濟形勢卻是不得不依靠中國這個大靠山而來, 我總覺得香港十年來今日這成就, 是因為大陸不停送大禮而救回來的, 沒有大陸, 就沒有這個香港, 香港變得很依賴性, 香港政府依賴中國政府, 香港市民依賴香港政府, 香港政府有事向中國政府求救, 討好處, 香港市民開始事事要求政府立例保障這保障那, 工人要求商戶結業時由政府賠償, 中產人士依然在捱, 中產以下人士也在捱, 我覺得這種依賴也是一種絕症, 希望香港早日可以重新自強, 找出自救方法, 不用只靠一個靠山而存活 |
|
|
