今期真係為作而作, 落手果下至隨興而寫既, 因為真係唔多諗到點寫至好, 希望寫得似層層大家都有少少共鳴啦~

 

捨得捨得, 有捨必有得, 冇捨就冇得

 

捨得一詞拆開單字黎睇係先捨後得, 就好似讀書, 就好似玩樂, 工作中既朋友無論自身, 無論睇身邊同事朋友, 都應該體驗到當初如果能夠努力, 今日就唔會點點點啦既感概, 但偏偏當初就係唔捨棄一d 野, 而換來今天的果; 又例如儲蓄, 君不見所有儲蓄計劃都強調早一日開始, 那個雪球就越大一點的道理嗎? 看到那些早就看透"捨得"二字既, 宜家前途都係好唔錯既, 而財富也就能夠順順利草到一大筆; 呢個先捨後得既想法, 係經過深思熟慮既, 而且得的部份是早就預料到的

 

如果係先得後捨, 就變得有點先使未來錢的感覺, 而後果也是挺長遠的, 例如credit card 罰息, 借貨還款, 先享樂, 後捱窮, 先得的一刻那種快感真的是挺不錯的, 我人工才5000塊但卻可以買15000的東西, 不過之後每期還是得還最低還款額, 而且被卡公司食息, 最後一件本來15000的東西就變成實際上18000甚至乎超過兩萬, 而且還款期內你每個月實際上就可能只有4000可用, 另一部份就跑到卡公司裡去了, 如果還唔清分分鐘仲要被人申請破產; 以身體健康狀況來說, 飲食均衡健康可使人長壽一點, 先吃大量食品而致肥了, 減肥期比增磅期不知長了多少, 減少少後放棄, 體重重新上升, 就好似credit card 最低信還款額一樣, 都係吊住鹽水既姐, 真正要減清就要有極大恒心... 總之影響就係長遠啦, 呢個先得後捨既想法, 好多時都係唔經大腦既

 

所以我覺得越做得多d 先捨後得既決定, 一般就係令你人生好過, 亦越能幫助你所有計劃得以實行既

 

如果係想表達開心既情緒, 我諗冇咩人會覺得難掛? 開心係會感染既, 我開心人地開心, 人地開心我又開心, 簡簡單單既笑, 微笑, 大笑, 傻笑, 喪笑, 都能夠令對方產生共鳴, 單純既笑, 唔應該擔心對方會有咩睇法

 

恰如其份, 大概係指身份掛, right? 唔開心既情緒, 或者真係搵同自己比較親密既親人朋友會比較好, 最少真係唔使擔心人地會拎黎攻擊你, 又唔使怕瘀, 方法? 真係肯聽你講去發洩既都唔介意做你情緒垃圾桶啦, 我諗其實都唔使太在意用咩方法了

 

一切都以盡量唔破壞和諧氣氛關係為準, 否則發洩前真係要三思

 最近看的電影包括有變形金剛, 綁架, em...... 最近的電影一般都有些不錯的故事內容, 只是電影理手法有點難以理解

 

譬如話變形金剛在從前的卡通之中變身是很快的, 在大銀幕上的也保有變形時經典的機械變身的kitkitordord 聲, 只是太過流於複雜, 打鬥場面描寫得太過細膩, 變換鏡頭位置太快, 太多近shot, 唔只鏡頭下影住個人既頭定屁股都未知, 大概有十分鐘的打鬥場面我根本連正邪雙方哪個在左哪個在右我都分唔清, 每個機械人出現次數唔係咁多, 角色太多, 大混戰時真係好難分辯正邪敵我, 高科技發展使得好多卡通都可以『真實化』搬上銀幕, 譬如話加菲貓, 直接創作既有怪獸公司, 我好相信呢套野個機械人全部都係用3d 技術做出黎而唔係做個公仔去拍動畫咁拍, 不過作為一個觀眾, 我實在接受唔切變化太大太急既3d 動畫

 

綁架, 劇情不錯, 林嘉欣綁架錯左劉若英個仔, 劉若英錯誤地想綁架富翁個仔, 張家輝及時阻止, 到張家輝破到案被殺, 劉若英反綁架林嘉欣老公, 張家輝有條件查出係林嘉欣做案, 戲中都有明確交待, 但係劉若英成個局係被動既, 點解佢會諗到係林嘉欣做, 又知道反制佢老公一定可以幫到自己搵翻個仔, 戲中反而好似冇交待到, 另外, 劉若英剝衫果幕真係太誇張, 商業味道重, 綁架型警匪戲可能好難加插嘴嘴戲, 改為做下樣都要d 女星脫下咁, 另外張家輝d 戲味唔錯, 演技好好啊!!

 打份工啫, 我衣著品味反映住d 咩? 我邊忽似阿伯? 難道拍拖中人至會容光煥發? riok......

 印象中放榜總是沒有一次好天的, 不知道是剛好正值夏天, 還是上天替學生們難過, 永遠就是下大雨, 順道打打颱風, 當年會考我敗走蘇浙, 中七放榜, 到了今天, 巳經第十年了, 天氣還是那麼樣的壞, 今天還要是鬱悶了一整天, 客人離開後天色突然轉壞, 五點半時份巳經跟入夜沒兩樣了, 晚間下班前才來一個傾盆大雨, 唉, 真是苦了一班"頻頻樸樸"的會考生了

幽默, 係一種處事態度

齋啡, 係一種苦澀飲料

我兩樣都喜歡, 就這樣

 

幽默的齋啡, 後半段十蚊雞就可以享用得到, 前半段, 係一種大智慧

其實改為齋啡的幽默都幾有趣, 齋啡予人一種難接近的感覺吧? 原來齋啡都有其幽默的一面

 

哈, 好似o係度玩緊文字遊戲咁

 

講到齋啡, 真係又想講下佢既苦, 齋啡既苦, 好多人都話頂唔順, 不過就正如有人頂唔順食榴槤一樣, 初初飲果陣真係既苦又澀, 真係『鞋貶貶』冇乜人鐘意, 不過逐少逐少咁飲, 到味覺習慣了, 會發覺口腔內充滿咖啡既香味, 遠比加左奶既咖啡香, 呢個時候再加翻杯普通溫開水, 真係會出現另一種味, 係一種甘甜既味, 自從咁樣試過之後, 再苦既齋啡都冇問題, 因為更期待之後一杯清水既甘甜

 

有人話幽默係一種人際關係既潤滑劑, 待人處事如果能夠如此, 一定能消除好多敵人, 化解紛爭, 如果能夠幽默看待自己的遭遇, 生活將會更好過, 這真是一種高智慧既表現, 係宜家木獨唔講野既我真係好想學既野, 多翻d 嘴啦, 搞下笑啦咁

 

或者, 齋啡可以變幽默嗎? 不, 齋啡不用變, 不過齋啡可以跟幽默共存嗎?